இன்றைய நவீன சமூகம் (MODERN SOCIETY !) எப்படி இருக்கிறது என்பதை புரிந்து கொள்ளவே இந்தப் பதிவு.
பிரபல எழுத்தாளர்களின் கருத்துக்கள் கவிதை நடையில்.
-------------------------------------------------------------------------------------------------------------------------------------------------
கல்வி
வேசிமகள்
கரன்ஸிக்கு இடம் தந்தால்
கல்வி வள்ளல்!
- பூங்குன்றன்
-------------------------------------------------------------------------------------------------------------------------------------------------
சாதி
சாதி
பறையர் சுடுகாடு
படையாட்சி சுடுகாடு
தலைமுழுக ஒரே ஆறு!
- அறிவுமதி
-------------------------------------------------------------------------------------------------------------------------------------------------
விழிப்புணர்வு
பசியிலும் பிச்சைக்காரன்
சிறுகச் சிறுகச் சேமித்தான்
என்றாவது ஒரு நாள்
தங்கத் திருவோடு
வாங்குவதற்காக !
- பூரணி
-------------------------------------------------------------------------------------------------------------------------------------------------
தாய் மொழி
தமிழ்
உன்னை
மொழிகளுக்கெல்லாம்
முதல் மொழி என்றார்...
அதனால் உன்னை
முதலாகப் போட்டு
வியாபாரம் தொடங்கிவிட்டார் !
- அப்துல் ரகுமான்
-------------------------------------------------------------------------------------------------------------------------------------------------
தலைவன்
வேஷங்கள்
போட்டுப்போட்டு அது
தோல் சதை எலும்புக்குள் இறங்கி
வேஷமே உங்கள் இயல்பாகிவிட்டது
- புவியரசு
-------------------------------------------------------------------------------------------------------------------------------------------------
வியாபாரம்
வியாபாரம்
எதிலும் எப்போதும்
காசைக் குறிவை.
தேசம் முழுதும்
தீக்கிரையாயினும்
சாம்பலை விற்றுச்
சம்பாத்தியம் நடத்து!
- கந்தர்வன்
-------------------------------------------------------------------------------------------------------------------------------------------------
அரசியல்
அரசியல்
வாயிலே அழுக்கென்று
நீரெடுத்துக் கொப்பளித்தேன்
கொப்பளிக்கக் கொப்பளிக்க
வாயும் ஓயாமல் அழுக்கும் போகாமல்
உற்றுப் பார்க்கிறேன்...
நீரே அழுக்கு!
- சுப்ரமண்ய ராஜு
-------------------------------------------------------------------------------------------------------------------------------------------------
பெண்ணுரிமை
விரல் நகம் தான் பெண்ணும்
அடங்கியிருந்தால்
அலங்கரிக்கப்படுகிறாள்
தாண்டி வளர்ந்தால்
தண்டிக்கப்படுகிறாள்!
- ரேவதி கணேஷ்
-------------------------------------------------------------------------------------------------------------------------------------------------
மதம்
ஆலய மணி ஓசையும்
மசூதியின் அலைப்பொலியும்
காற்றில் கரைந்து
சங்கமிக்கும் அர்த்தம்
இவர்களுக்கு எப்போது விளங்கும் ?
- அப்துல் ரகுமான்
-------------------------------------------------------------------------------------------------------------------------------------------------
பணம்
கணக்கு மீறி தின்றதாலே
கனத்த ஆடு சாயுது- அதைக்
கண்ட பின்னும், மந்தை எல்லாம்
அதுக்கு மேல மேயுது !
- பட்டுக்கோட்டை கல்யாணசுந்தரம்
-------------------------------------------------------------------------------------------------------------------------------------------------
.jpg)
.jpg)
.jpg)
.jpg)
0 comments:
Post a Comment